Rosa Parks

Rosa Louise McCauley Parks, ditz Rosa Parks, nascuda lo 4 de febrièr de 1913 a Tuskegee en Alabama e mòrta lo 24 d'octobre de 2005 a Detroit dins lo Michigan, es una femna afroamericana que venguèt una figura emblematica de la luta contra la segregacion raciala als Estats Units, çò que li valguèt l'escais de « maire del movement dels dreches civics » de la part del Congrès american. Rosa Parks lutèt puèi contra la segregacion raciala ambe Martin Luther King Jr..

Rosa Parks ambe Martin Luther King, en 1955.

Es venguda celèbre lo 1er de decembre de 1955, a Montgomery (Alabama) en refusant de cedir sa plaça a un passatgier blanc dins l'autobús menat per James F. Blake. Arrestada per la polícia, se vei infligir una emenda de 15 dolars. Lo 5 de decembre de 1955, fa apèl d'aqueste jutjament.

Un jove pastor negre de 26 ans, Martin Luther King, ambe lo concors de Ralph Abernathy, lança alara una campanha de protèsta e de boicòt contra la companhiá de bus que durarà 380 jorns. Lo 13 de novembre de 1956, la Cort Suprèma dels Estats Units cassèt las leis segregacionistas dins los buses, las declarant anticonstitucionalas.

Òbras

• Rosa Parks : My Story, éd. Puffin Book, 1948
• Quiet Strength: The Faith, the Hope, and the Heart of a Woman Who Changed a Nation, éd. Zondervan Publishing Company, 1995
• Dear Mrs. Parks, éd. Lee & Low Books, 1996
• I Am Rosa Parks, éd. Penguin Young Readers, 1999