Ribagòrça (o la Ribagorça) es una comarca oficiala de la comunautat autonòma d'Aragon. Graus e Benavarri (en espanhòl Benabarre) ne son las capitalas. Las lengas localas autoctònas son lo catalan e l'aragonés, ambe de parlars de transicion de mal classificar (benasqués).
Fa pas tot lo territòri de Ribagorça istorica o geografica perqué i cal apondre en la comunautat de Catalonha la comarca d'Auta Ribagorça, la Terreta (mai que mai compresa en lo municipi de Tremp), Alsamora (en lo municipi de Sant Esteve de la Sarga), e autres lòcs que son ara administrativament en Palhars Jusan.
La Ribagorça aragonesa es sovent nomenada Baixa Ribagorça en catalan (que fa en occitan Bassa Ribagorça), per oposicion ambe la comarca catalana d'Auta Ribagorça, dont la capitala es El Pont de Suert. Es un nom qu'a pas res d'oficial. Pels geografes e lingüistas, Bassa Ribagorça pòt tanben designar d'un biais comòde la partida meridionala de la Ribagorça d'administracion aragonesa e de la d'administracion catalana; los critèris son una altitud mens nauta e, lingüisticament, de caractèrs coma mai que mai la milhora conservacion de [ɛ] tonic, sense barradura en [e] coma dins la majoritat del catalan (quand se parla de lenga, se tracta de segur de la partida de lenga catalana o de transicion entre'l catalan e l'aragonés).
Municipis de la comarca
Son 31. Per cada municipi, los nombres concernisson la populacion, puèi la superficia en Km², enfin la densitat.
- Areny de Noguera (322, 119, 2,71)
- Benasc (2.080, 233, 28,92)
- Benavarri (1.167, 157,1, 7,43)
- Beranui (106, 64,01, 1,66)
- Bissaürri (239, 63,29, 3,78)
- Bonansa (97, 37,3, 2,60)
- Campo (Òsca) (279, 23,03, 12,11)
- Capella (387, 60,7, 6,38)
- Castigaleu (119, 26,5, 4,49)
- Castilló de Sos (738, 31,6, 23,35)
- Estopanyà (198, 88,7, 2,23)
- Foradada del Toscar, la (231, 106,58, 2,17)
- Gia (114, 25,95, 4,39)
- Graus (3.472, 300,4, 11,56)
- Lasquarri (157, 31,9, 4,92)
- Monesma i Queixigar (108, 62,6, 1,73)
- Montanui (308, 174,2, 1,77)
- Paüls, les (287, 81,7, 3,51)
- Pobla del Castre, la (403, 29,54, 13,64)
- Isàvena (293, 118,8, 2,47)
- Perarrua (105, 30,1, 3,49)
- Pont de Montanyana, el (152, 48,2, 3,15)
- Santa Llestra i Sant Quilis (100, 23,42, 4,2)
- Saünc (364, 73,3, 4,97)
- Secastella (133, 47,4, 2,81)
- Seira (179, 69,4, 2,58)
- Sessué (116, 5,56, 20,86)
- Sopeira (106, 44,1, 2,40)
- Tolba (193, 59,14, 3,26)
- Tor-la-ribera (119, 32, 3,72)
- Vall de Bardaixí, la (53, 45,57, 1,16)
- Vall de Lierp, la (47, 32,41, 1,45)
- Viacamp i Lliterà (25, 107,7, 0,23)
- Vilanova d'Éssera (156, 7, 22,29)
Total : 12.953, 2461,4, 5,26
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
