From Wikipedia, the free encyclopedia
La placa Farallon es una anciana placa tectonica de la litosfèra de la planeta Tèrra. Los sols rèstes d'aquela placa son las placas Gorda, Rivera, de Nazca, de las Cocos, Juan de Fuca e Explorer. Lo nom ven de las illas Farallon qu'es al larg de la baia de San Francisco.
La placa Farallon èra situada dins de çò que anava venir l'ocean Pacific. Las seunas frontièras amb las autras placas èran constituidas a l'oèst, al nòrd e a l'èst per de fòssas de subduccion e de falhas transformantas e al sud e al sud èst per de dorsalas e de falhas transformantas. Se desplaçava cap al nòrd èst a una velocitat de cinc centimètres par an gaireben. Èra bordada al sud oèst per la placa Izanagi, a l'oèst per la placa eurasiatica, al nòrd e al nòrd èst per la placa nordamericana e al sud èst per la placa sudamericana.
La placa Farallon comencèt a desapréisser per subduccion jos la còsta oèst del continent american pendnet lo Jurassic. Fa 90 o 80 milions d'ans, una nòva dorsala oceanica orientada èst oèst, la dorsala de Kula, trenquèt la placa Farallon de sa partida nòrd: la placa de Kula. Una partida de la placa Farallon es encara detectabla dins lo mantèl, jos la còsta Èst nordamericana.
Auriá portat pas cap de partida continentala e èra donc majoritariament formada de litosfèra oceanica.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.