From Wikipedia, the free encyclopedia
L'origan o (Origanum vulgare), tanben majorana fèra, es una planta erbacèa vivaça de la familha de las Lamiacèas. L'origan es a vegada confondut amb la majorana (Origanum majorana), que n'es fòrça pròche, coma per sas vertuts medicinalas e aromaticas.
Origan
| Règne | Plantae |
|---|---|
| Sosrègne | Tracheobionta |
| Division | Magnoliophyta |
| Classa | Magnoliopsida |
| Sosclassa | Asteridae |
| Òrdre | Lamiales |
| Familha | Lamiaceae |
| Genre | Origanum |
| Òrdre | Lamiales |
|---|---|
| Familha | Lamiaceae |
Lo mot « origan » es eissit del grèc ὀρίγανον / origanon[1], significant « que s'agrada sul mont », compausat de ὄρος / oros « mont » e γάνος / ganos « esclat, aspècte risent »[2].
Las plantas atenhon una talha variant entre 30 e 80 cm.
Las tijas rojas, de seccion carrada, son pelosas amb de fuèlhas redondas, verdas, leugièrament dentadas.
Las flors son ròsas o porpras, e son amassada en pechons paniculs.
L'origan se multiplica per troces de matas a la prima o alara per semenadas. Los plants devon èsser espaciadas de 30 cm. Li cal un sol leugièr e airat, caud, calcari. Un luòc a l'abric del vent e solelhat permet de cultivar aquela planta aromatica butant a l'estat salvatge.
La culhida se fa en julhet a lor apareisson. Las partidas utilizadas son las flors, las tijas e las fuèlhas.
Originari d'Euròpa, l'origan foguèt exportat a l'Orient Mejan. Es congut e reconegut pels pòbles de l'Antiquitat per son gost prononciat, e sas vertuts medicinalas.
L'origan èra reconegut per doas proprietats, son ròtle protector e coma filtre d'amor: "unas fuèlhas dins lo repas de l'éelegit de son còr"[3].
Se trapa l'origan dins la cosina portuguesa e la cosina italiana.
L'origan es fòrça apreciat dins las salças a las tomatas e se marida plan amb lo balicòt, la frigola, etc.
L'origan, coma la majorana o la frigola, a de proprietats antisepticas.
Es utilizat coma eles, mas de biais mai anecdotic, en infusion dins los cases de raumàs o de gripa, e per estimular la digestion.
Permet de lutar contra las marridas bacterias e las mycotas, e es utilizat per solaçar las dolors dugudas ala rumatismes e als problèmas de pèl.[4]
L'òli essenciala d'origan conten de Carvacròl e es reputada èsser un antiseptic plan poderós, recomandada per tot tipe de raumàs o gripa; es tanben un remèdi contra las dolors espasmodicas, la fatiga e l'ància. Tanben, en banhs.
En agricultura biologica, una maceradion d'origan permet de lutar contra la coca Curculio nucum e d'autres curculionidae[5].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
