Odenat

Odenat o Odainath^[1] (v. 220-267 apC) es un nòble de la vila de Palmira e una personalitat importanta de l'Emperi Roman durant la crisi dau segle III. Eissit d'una familha aient aquistat la ciutadanetat romana, venguèt senator pendent lo rèine de l'emperaire Valerian (253-260).

Bust d'Odenat.

Après la desfacha romana d'Edessa e la captura de l'emperaire, prenguèt la direccion de las províncias orientalas de l'Emperi, mas se proclamèt pas imperator e eliminèt plusors emperaires usurpators que menaçavan lo poder de Gallien, lo fiu de Valerian. En chambi d'aquela reconoissença nominala dau poder de Gallien, obtenguèt la gestion dels afaires afaires civius e militars de las regions orientalas de l'Emperi ont èra liure d'agir de facto coma sobeiran independent. Organizèt ansin la lucha contra los Sassanidas, prenguèt Ctesifont e reconquistèt la màger part dels territòris perduts après Edessa. Foguèt assassinat en 267 apC per un cosin. Sa femna, Zenobia, prenguèt la regéncia e assajèt de crear un Emperi independent en proclamant son fiu emperaire.

Ligams internes

• Edessa (batalha de).
• Palmira.
• Zenobia.

Bibliografia

• (en) Alaric Watson, Aurelian and the Third Century, Routledge, 2004, pp. 31-32.