Mètro de Los Angeles
From Wikipedia, the free encyclopedia
From Wikipedia, the free encyclopedia
Lo mètro de Los Angeles (oficialament en anglés : Los Angeles County Metro Rail, en occitan : camin de fèrre metropolitan del comtat de Los Angeles) es lo principal sistèma de transpòrt en comun servissent Los Angeles e son aglomeracion. Espleitat per la Los Angeles County Metropolitan Transportation Authority (LACMTA), dispausa de 93 estacions despartidas sus sièis linhas, totalisant 170,1 quilomètres de vias e près de 340 000 passatgièrs per jorn.
| Mètro de Los Angeles (en) Los Angeles County Metro Rail | ||
 Logo de la LACMTA. | ||
 Linha Expo a l'estacion La Cienega/Jefferson. |
||
| Situacion |  Los Angeles e son comtat (Califòrnia)
|
|
|---|---|---|
| Tipe | Mètro | |
| Intrada en servici | 1990 (mètro leugièr) 1993 (mètro) |
|
| Longor del malhum | 170,1 km 142,1 km (mètro leugièr) 28 km (mètro) |
|
| Linhas | 6 4 (mètro leugièr) 2 (mètro) |
|
| Estacions | 93 | |
| Frequentacion | 332 836 viatjaires per jorn (decembre de 2015)[1],[N 1] | |
| Escartament dels ralhs | 1 435 mm | |
| Espleitador | LACMTA | |
| Linhas del malhum | En servici :      En projècte : 
|
|
 Lo malhum metropolitan de Los Angeles. | ||
modificar  | ||
La primièra linha del mètro de Los Angeles foguèt inaugurada en 1990. Al cors de las annadas lo malhum s'es fòrça estendut, e mai se la dessèrta rèsta encara pro febla comparada a aquela d'autres mètros del mond, tot coma la frequentacion del malhum metropolitan que demòra largament en deçà d'aquela dels mètros d'autras grandas metropòlis talas que Nòva York o París. A la manièra de son omològ nòvayorkés, de nombrós ponches d'arrèsts del mètro de Los Angeles son pas sosterranhs. En efièch, una granda partida de las estacions es situada en susfàcia, e d'unas pòdon tanben seguir un traçat aerian.
Lo trafic es generalament assegurat de 5 òras del matin a mièjanuèch, mas los oraris pòdon variar segon la linha utilizada e lo jorn de la setmana. En dimenjada los trens pòdon efectivament foncionar fins a doas òras del matin. E puèi, la dessèrta del comtat de Los Angeles es tanben assegurada per d'autres mejans de transpòrt en comun : de nombrosas linhas d'autobús completan atal lo mètro de Los Angeles. Lo malhum d'autobús rapides del comtat permet tanben de melhorar la qualitat de sa dessèrta, e los malhums ferroviaris Amtrak e Metrolink i son tanben ligats.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
