Maxime Lisbonne

Maxime Lisbonne (1839, París - 1905, La Ferté-Alais) es un comandant militar de la Comuna de París.

Durant la Guèrra de Crimèa (1854-1856), foguèt volontari dins la Marina francesa puei venguèt caçaire d'a pè e enfin zoave. Après la guèrra, dirigiguèt una sala de teatre a Paris mai faguèt falhida en 1868. Pendent lo sètge de París de 1871, foguèt elegit per capitani dau 24^en batalhon de la Gàrdia Nacionala de la vila e participèt a la batalha de Buzenval (genier de 1871). Lo 14 de març, venguèt membre dau Comitat Centrau de la Gàrdia Nacionala. Lo 1^er d'abriu, la Comuna li ordenèt de defendre lei fortificacions entre lo Point-du-Jour e la pòrta de Versalhas. Après l'intrada dei soudats governamentaus dins la capitala, participèt ai batalhas de la la crosiera de la Crotz Roja e la carriera Vavin (23-24 de mai)^{[1] [2]}, lo Panteon (24 de mai)^{[3] [4]} e lo quartier dau Chateau-d'Eau amb Eugène Varlin (25-26 de mai)^[5]. Bleçat lo 25 de mai, foguèt capturat e condamnat a mòrt lo 4 de decembre de 1871^{[5] [6]}. Pasmens, sa pena foguèt cambiada en deportacion. Après l'amnistia de 1880, recomençèt lo teatre e venguèt tanben jornalista amb "l'Ami du Peuple". Arroïnat, venguèt enfin vendeire de tabac en Ferté-Alais.

Liames intèrnes

Bibliografia

Nòtas e referéncias

1. Gaston Da Costa, Mémoires d'un Communard : la Commune vécue, Larousse (2009), p. 269.
2. Prosper-Olivier Lissagaray, Histoire de la Commune de 1871, Edicions La Découverte & Syros (2000), p. 329.
3. Gaston Da Costa, Mémoires d'un Communard : la Commune vécue, Edicions Larousse (2009), p. 271.
4. Prosper-Olivier Lissagaray, Histoire de la Commune de 1871, Edicions La Découverte & Syros (2000), p. 341.
5. Prosper-Olivier Lissagaray, Histoire de la Commune de 1871, Edicions La Découverte & Syros (2004), p. 354
6. Prosper-Olivier Lissagaray, Histoire de la Commune de 1871, Edicions La Découverte & Syros (2004), p. 420.