Manchester

Manchester (/manˈtʃester/; en anglés: [ˈmæntʃᵻstər, -tʃɛs-] ^ⓘ)^[2][3] es una vila del nòrd-oèst d'Anglatèrra, amb una populacion de 503 000 abitants.^[4] Es lo centre de la segonda aglomeracion urbana del Reialme Unit, l'airal conegut coma Grand Manchester, amb un total de 2 553 379 abitants en 2011.^[5] D'aqueste airal metropolitan ne'n fan partida d'autras vilas coma Bury, Wigan, Bolton, Salford, o Stockport. Es situada a 57 quilomètres a l'èst de Liverpool, a 67 km a l'oèst de Leeds e a 328 km al nòrd de Londres. Istoricament la major part de la ciutat faguèt partit del comtat de Lancashire, amb las zonas situadas al sud del riu Mersey al comtat de Cheshire.

Manchester

Manchester (en)
Nom oficial	Manchester (en)
Administracion
Capitala de	Manchester
Lenga oficiala	anglés
Geografia
53° 28′ N, 2° 14′ O
Estat	Reialme Unit
Nacion constitutiva	Anglatèrra
Region	Nòrd-Oèst d'Anglatèrra
Comtat ceremonial	Grand Manchester
Districte metropolitan	Manchester
Superfícia	115,6 km²
Altitud mejana	38 m
Fus orari	UTC±00:00
Demografia
• Totala	547 627[1] ab. (2018 )
• Densitat	4 737,26 ab./km²
Autras informacions
Còdi postal	M
Prefix telefonic	0161
Sit web	cms.manchester.gov.uk

Manchester es un important centre artistic, financièr, de mejans de comunicacion e d'educacion superiora. Es la tresena vila mai visitada del Reialme Unit pels toristas. Es lo sèti de doas equipas de la Primièra Liga: lo Manchester United e lo Manchester City. Manchester tenguèt un grand ròtle durant la Revolucion industriala. Al sègle XIX venguèt lo principal centre internacional de la fabricacion textila e de fial de coton e prenguèt l'escais "Cottonopolis". Lo centre de la ciutat es marcat a la lista del Patrimòni Mondial de l'Umanitat de l'UNESCO, degut principalment a la ret de canals e de molins construits durant los sègles XVIII e XIX.