Lei Santei Marias de la Mar

Lei Santei Marias de la Mar (pron. [sẽⁿto marˈịo de la mar]^[1]) o correntament Lei Santas (Les Saintes-Maries-de-la-Mer en francés)^[2] es una vila e estacion balneària d'Occitània, en Provença, qu'es tanben un luòc de romavatge, situada dins lo departament dei Bocas de Ròse e la region administrativa de Provença-Aups-Còsta d'Azur.

Vila d'Occitània

Mai d'informacions Descobridor o inventaire, Data de descobèrta ...

Lei Santei Marias de la Mar
Saintes-Maries-de-la-Mer

Armas

Geografia fisica

Coordenadas

43° 27′ 10″ N, 4° 25′ 43″ E

Superfícia

374,61 km²

Altituds
· Maximala
· Mejana
· Minimala

6 m
2 m
0 m

Geografia politica

Provença

França

Provença-Aups-Còsta d'Azur

Lei Santei Marias de la Mar

Intercom
ZZZZZZZZZ

Comunautat d'aglomeracion d'Arle-Crau-Camarga-Montanheta

Cònsol

Christelle Aillet
(2020-2026)

Geografia umana

Populacion
Populacion totala
(2018)

2 157 ab.

2 178 ab.

Densitat

6,92 ab./km²

Autras informacions

santenc, santenca

13460

Tampar

La vila se situa en Camarga, en riba de la Mar Mediterranèa, aperaquí a 1 km a l'èst dau bocau dau Pichon Ròse.

La legenda crestiana cònta qu'un grop d'amics de Jèsus Crist (e entre elei, lei tres Marias, autrament dich, lei Santas) foguèron forabandits de Judèa subre una barca sens vela ni ancora ni timon per èsser perduts e negats en auta mar, mai que Dieu lei menèt aicí, en Provença ont evangelizèron lo país.

L'escrivan latin Rufus Festua Avuenus mençona un oppidum sonat Oppidum priscum Ra au luòc dei Santas de uei.

Au sègle VI un mostier i foguèt fondat.

Un grop de Vikings passèron lo dur ivèrn de 859-860 avant de saquejar la contrada.

En 869 lo còrs de Rotland, Evesque d'Arle, foguèt tornat ai crestians per lei Sarrasins, probablament ai Santas.

La glèisa fortificada foguèt bastida a partir dei sègles XI e XII.

En 1448 subre iniciativa dau rei Rainier, lei relíquias dei Santas foguèron cercadas puei trobadas en preséncia dau legat dau Papa Pèir de Fois.

A la Revolucion la glèisa foguèt deteriorada (puei restaurada au sègle XIX).

Au sègle XIX lei Santas venguèron un luòc de romavatge dei gitans qu'i adòran Santa Sara la verge negra.

Lo baron Folco de Baroncelli-Javon s'i installèt e Vincent van Gogh i pintèt lei plajas e lei barcas.

Lei Santei Marias de la Mar se situan en Provença, subre la riba mediterranèa, en Camarga e a aperaquí un quilomètre a l'èst de la desbocadura dau Pichon Ròse. La comuna, fòrça espandida, compren mai que mai de tèrras alluvialas e de paluns. Lei tèrras agricòlas se situan a l'oèst, lòng dau Pichon Ròse e lei paluns a l'èst onte se tròba l'estanh dau Vacarés. Lei Santei Marias de la Mar son religadas a la vila d'Arle, distanta de 38 km, per la RD 570 e a la pichona Camarga vèrs Aigas Mòrtas e Montpelhièr per lo bac dau Sauvatge, lo pònt de Selvareau e lo pònt de Sant Geli. Una pista permet d'accedir au far de la Gachòla e a aquelei de Beauduc e de Faraman. I a pas de gara mai una linha d'autocars publics permet d'accedir totei lei jorns (quitament lo dimenge) a Arle^[3]. La comuna viu subretot de l'agricultura, de l'elevatge (cavaus, buòus) e dau torisme. La vila bastida a l'entorn de la glèisa dei sègles XI e XII foguèt longtemps embarrada dins sei barris, e sèrva encara uei de traças d'aqueu passat istoric dins la configuracion de seis andronas sovent estrechas.

Mai d'informacions Periòde, Identitat ...

Lista dei cònsols successius
Periòde		Identitat	Etiqueta	Qualitat
1995	2020	Roland Chassain	UMP, LR	deputat (2002-2007), conselhièr generau (1994-2015)
1972	1995	Hubert Manaud	PS	conselhièr generau (1979-1994)
abriu ? 1945	1972	Roger Delagnes	SFIO, PS	conselhièr generau (1945-1976), senator (1962-1974)
	1945
Totas las donadas son pas encara conegudas.