From Wikipedia, the free encyclopedia
En lingüistica, una koinè[1][2] designa una varietat idiomatica que se desvelopa en una lenga mutualament intelligibla amb sos dialèctes.[3] Lo tèrme koinè proven del grèc ancian κοινή que designava d'en primièr la «koïnê dialektos» una lenga veïculara de basa atica qu'èra parlat en Mediterranèa al sègle iv aC.[4][5][6]
Lo tèrme koinè designa una lenga servissent de lingua franca entre divèrsas lengas, quand s'agís vertadièrament d'una lenga acabada podent aver una literatura pròpria e non d'un saber constituit per sola tòca utilitària (coma per exemple lo francés dins lo mond diplomatic fins al sègle xx, o l'anglés dins lo mond dels afars a l'ora d'ara).
Pendent l'epòca medievala l'occitan literari èra una koinè, que seviguèt pels trobadors catalans e tanben franceses, italians e provençals per a compausar sos poèmes. Aquela varietat d'occitan, non èra l'occitan que se parlava pel pòble, mas una varietat bastida utilizada per la poèsia.
L'occitan a l'ora d'ara seriá encara dins un estat de koineizacion seguissent las tres estapas de Mesthrie:[7][8] mèscla e nivelament dels dialèctes e simplificacion.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.