Isisaurus

Isisaurus, aperat atau per Institut d'Estadistiques dera Índia ^[1], ei un genre de dinosaure deth cretacèu. Isisaurus ère un sauropòde, e mès especificaments un titanosaure que demorèc en eth territòri dera Índia actuau.

Isisaurus siguec un titanosaure que demorèc en Índia pendent eth cretacèu. Es sues caracteristiques son plan singulares.

Er especimèn tipe de Isisaurus colberti, ISI R 335/1-65, siguec descrit e aperat Isisaurus colberti per Sohan Lal Jain e Saswati Bandyopadhyay en 1997. Eth sòn nom ei entà aunorar Edwin Harris Colbert ^{[2] [3]} mès aguec eth sòn propi genre pr'amor que Wilson e Upchurch atau'l classaren en 2003 ^[4]. Avie ua forma plan singulara, damb un còth cuert e verticau e ues pates plan longues ^[5] e açò que'l hèia plan desparièr d'autes sauropòdes. Er uas umer hèia 148 cm de long ^[6] e segons açò Isisaurus podie aver hèt enquias 18 m de longada e pesar enquias 14.000 Kg ^[7].

Isisaurus ei plan mès conegut que d'autes titanosaures ^[8] pr'amor que plan de sòns uassi postcraneans sòn plan coneguts. Era esquelata que Jain e Bandyopadhyay traparen entre 1984 e 1986 ère "en plan bones condicions". Includive vertèbres cervicals, dorsals, sacrals e caudals costelhes, pelvis, scapula e coracoides, pata quèrra deth davant e d'autes uassi. Totun, que no traparen eth cran, es pates de darrèr ne es uassi des pès ^[9]. Eth lòc on sigueren trapats ei eth tucò Dongargaon, ena Formacion Lameta ^[10], en Índia. Aguest tucó qu'ei en er estat indi de Maharashtra.

Es fongi trapats en es coprolits d'Isisaurus confirmen que minjave huelhes de desparières espècies d'arbe pr'amor que se pensa qu'aguesti fongi solament se trapen en huelhes d'arbes ^[11].