Indonesian

L'indonesian (autonim: bahasa indonesia, AFI: [baˈha.sa in.doˈne.si.ja]) es una varietat estandardizada del malai, pròpria d'Indonesia.

Indonesian

Bahasa Indonesia
Parlat en	Indonesia e Timòr Èst
Sistèma d'escritura	alfabet latin
Classificacion lingüistica
Lengas austronesianas Lengas malaiopolinesianas Lengas malaiosubawanas Lengas malaicas Malai[1] Indonesian
Estatut oficial
Oficial de	Indonesia
Còdis lingüistics
ISO 639-1	id e in
ISO 639-2	ind
ISO 639-3	ind
Ethnologue	ind
Glottolog	stin1234
ASCL	6504
IETF	id

L'intercompreneson amb lo malai de Malàisia (bahasa malaysia) es completa. Lo grop indonesian-malaisian comptariá atal mai de 250 000 000 de locutors çò que ne fa, demograficament, una lenga comparabla al francés o al portugués e la tèrça (o quarta) lenga mai parlada d'Asia.

Estatut

Lo bahasa indonesia es la sola lenga oficiala d'Indonesia (245 000 000 d'estatjants en 2013). Tot ben que i a mai de 726 lengas en Indonesia^[2], sol lo bahasa indonesia es reconegut per las autoritats. Es tanben una lenga oficiala auxilària de Timor.

Locutors

Gaireben 10% de la populacion lo parla coma lenga mairala e 88,5% lo parla coma lenga segonda^[3]. Lo nombre de sos locutors es gaireben de 220 000 000 en 2013 mas amb la particularitat d'èsser mai que mai de locutors que parlan lo bahasa indonesia coma lenga segonda. 54% de la populacion^[4] de Timor pòt tanben parlar lo bahasa indonesia.