Granda Èrsa de Kanagawa

La Granda Èrsa de Kanagawa^[1] es una famosa estampa japonesa dau pintre Hokusai (1760-1849). Publicada en 1830 ò en 1831 durant lo periòde d'Edo, es lo premier imatge de la seria dei Trenta sièis vistas dau mont Fuji. Sintetizant l'art tradicionau de l'estampa japonesa amb lei règlas de perspectiva occidentala e l'usatge dau blau de Prússia, obtenguèt un succès important e plusors tiratges aguèron luòc. Marquèt tanben un renovelament important de la composicion en Japon. En Euròpa, inspirèt lo movement impressionista. Uei, demòra una deis òbras pus famosas de la pintura japonesa.

La Granda Èrsa de Kanagawa (exemplari dau Metropolitan Museum of Art).

Liames intèrnes

• Estampa.
• Hokusai.
• Tsunami.

Bibliografia

• (en) Christine Guth, Hokusai’s Great Wave: biography of a global icon, Honolulu, University of Hawaiʻi Press, 2015.