Exili

L'exili^[1], sonat tanben faidiment, despatriament, (em)bandiment, estrangiment, fòrabandiment (gasc. hòrabandida) es una pena impausada pels estats, generalament per de rasons politicas. Per l'evolucion dau drech, uèi l'exili s'impausa rarament, e lo país receptor accepta pas eventualament l'exiliat.

Tipe d'exili

En foncion de sa durada l'exili pòt èsser:

• Temporau, se se fixa un tèrme.
• Indefinit o perpetuau, se i a pas de tèrme per la pena. L'exiliat de biais indefinit pòt de còps obténer un indult o perdon que li permete de tornar au país.

Govèrn en exili

Au delà de personas en exili, i a tanben de govèrns en exili, coma lo dau Tibet o de nacions en exili, coma Armenia de 1078 a 1375, qu'après l'invasion de son territòri per de tribús seljucidas, s'exilièt en Cilícia, ont formèt un reiaume novèu.

Arts

L'exili es sovent viscut coma un periòde fondamental de la vida d'un òme. L'artista en exili es generalament prigondament marcat per l'experiéncia al punt que pòt èsser una font d'inspiracion a l'origina de son cap d'òbra. L'exili e los sentiments noirits per aquel castiment tanben an servit de tèma per de libres, de filmes ...