Escala de Kinsey

L'escala de Kinsey vòl mesurar de l'orientacion sexuala anant de 0 (exclusivament eterosexual(a)) a 6 (exclusivament omosexual(a)). Foguèt publicada en primier dins «Sexual Behavior in the Human Male» (1948) d'Alfred Kinsey, e foguèt important dins lo trabalh complementari titolat «Sexual Behavior in the Human Female» (1953).

Per descriure l'escala, Kinsey afirma:

«Los mascles representan pas doas populacions separadas d'omosexuals e eterosexuals. Tot coma lo mode es pas dividit entre fedum e cabrum. Es doncas fondamental per la taxonomia lo fach que la Natura rarament se descriu amb de grops marcats separats... Lo monde natural es continú en totes e cadun de sos aspèctes.

Tot en insistissent sus las nuanças existissent entre los antecedents omosexual e eterosexual exclusius, semblèt apropriat lo desvolopament d'una classificacion que se basa sus la quantitat d'experiéncias omosexualas e eterosexualas de cada istoric... Cada individú seriá assignat a una posicion sus aquela escala, per cada periòde de sa vida.... Una escala amb set punts indicant d'un biais fisable las multiplas gradacions qu'existisson vertadièrament.» (Kinsey, e col. (1948))

L'escala Kinsey es atal

Reng	Descripcion
0	Exclusivament eterosexual(a)
1	Predominéncia eterosexuala, experiéncia omosexuala
2	Predominéncia eterosexuala, mas ocasionalament omosexual(a)
3	Tan eterosexual(a) com omosexual(a), Bisexual(a)
4	Predominéncia omosexuala, experiéncia omosexuala eterosexuala
5	Predominéncia omosexual, mas ocasionalament eterosexual(a)
6	Exclusivament omosexual(a)

Recerca

Rapòts Kinsey

Article detalhat: Rapòrt Kinsey.

• Òmes: 11.6% dels òmes blancs d'entre 20 e 35 van èsser dins lo 3ⁿ gras dins aquel periòde de lor vidas.^[1]
• Donas: 7% de las donas non maridadas entre 20 e 35 e 4% de las donas maridadas entre 20 e 35 va èsser dins lo 3ⁿ gras dins aquel periòde de lor vidas.^[2] un 2 a 6% de las donas, entre 20 e 35, van èsser dins lo 5ⁿ gras ^[3] e 1 a 3% de las donas non maridadas entre 20 e 35 van èsser dins lo 6ⁿ gras.^[4]