Demografia

La demografia (del grèc: δῆμος, dêmos, "pòble" e -γραφία, -graphía, "descripcion") es una disciplina scientifica qu'estúdia l'evolucion de la populacion, especialament de manièra dinamica. Los tres concècptes basics de la demografia son las naissenças, las mòrts e las migracions de populacion, las quals produson una estabilitat o variacion populacionalas.^[1] La demografia pòt estudiar diferentes aspèctes coma la dimension, l'espaci, la reparticion, l'evolucion e la distribucion de la populacion e los cambiaments especials en responsa als punts basics ja mencionats. L'estatistica es necessària per comprendre una situacion demografica, amb la creacion d'indicators en foncion d'una problematica causida que resumisson las tendéncias demograficas.

Distribucion de la populacion mondiala

Brancas

Om distinguís doas brancas principalas:

• La demografia formala o demografia matematica, limita son objècte d'estudi al mesurage dels procèsses de la populacion, e, donc, utiliza de formulas e concèptes matematics per descriure los cambiaments populacionals^[2] dins çò que se coneis coma la demometria o los mesuratges dels fenomèns demografics.^[3]
• La demografia descriptiva es aquela qu'incorpòra autras disciplinas coma, per exemple, la sociologia, l'economia, la politica sociala, la biologia e l'environament, e coma los divèrses fenomèns extèrns qu'afèctan la dinamica demografia. Segon los contèxtes socials e/o economics la populacion se pòt descriure en se basant sus l'etnicitat, la religion, la lenga, l'educacion, l'ocupacion, la renda e la riquesa.^[4]