Remove ads
Lo convent daus Cordeliers de la Baumeta fuguet fondat au segle XV[1] per lo rei Rainier au sud d'Angieus, en Anjau, dins l'actuau departament de Maine e Léger.
Rainier lo Bòn era comte d'Anjau e de Provença, ente se 'nava reculhir dins la bauma consacrada a Maria Magdalena dins lo massís de la Santa Bauma. De retorn a Angieus, trobet quauquas semblanças entre lo ròc de la Santa Bauma e lo ròc de Chanzé situat au sud d'Angieus susplombant Maine. Decidiguet de i bastir un mostier vodat a santa Maria Magdalena, qu'apelet «La Baumeta». «Cordeliers» era l'escais daus monges franciscans, que 'bilhats de maniera fòrça simpla, portavan 'na simpla còrda en guisa de cencha. Començat de bastir lo 25 de novembre de 1452, sas bastissas se 'chaberen lo 30 d'aost de 1454. Los cordeliers eran ja presents a Angieus dempuei lo segle XIII. Lor domemi se situava au centre de la vila ente, en 1453[2],[3], lo rei Rainier faguet bastir la chapela de Sant Bernadin, que seriá confiscada, venduda, e destrucha en 1794 pendent la Revolucion, per fin de i depausar, un còp mòrt, lo reliquiari contenent son còr. En 1596, los monges cordeliers fugueren remplaçats per los recollectes, que i demoreren juscanta la requisicion dau convent pendent la Revolucion, que fuguet vendut coma ben nacionau. En 1841, las bastissas fugueren restauradas, çò que permetet de descubrir daus decòrs pintats, que 'na Pietà de 'na richa policromia.
La lòtja principala es compausada de 'na desena de peças de granda talha, que lo refectòri, la cosina, la cava e lo lavador. Subsistís tanben 'na chapela emb 'na vòuta en forma de còca de bateu trasvirada (s. XV), un autar ufert per lo mareschau de Briçac, e las clastras (XVIII). Fòra se tròba 'na cort interiora, un ancian cementeri au costat de las bastissas, en mai daus jardins en terrassas dins l'esquist dau ròc de Chanzé emb daus bacins e daus potz.
Venguet «monument istoric» en 1946. Auei es en granda partida reabilitat e lo bastiment principau s'utiliza coma luec d'exposicions artisticas e culturalas.
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads