![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c6/Milky_Way_Night_Sky_Black_Rock_Desert_Nevada.jpg/640px-Milky_Way_Night_Sky_Black_Rock_Desert_Nevada.jpg&w=640&q=50)
Via Lactèa
From Wikipedia, the free encyclopedia
La Via Lactèa (var. Via Lachenca) ─comunament nomenaa lo Chamin de Sant Jaume (var. Camin de Sant Jacme)[1]─ es la galaxia onte se tròban lo Sistèma Solar e la Tèrra. Es una galaxia espirala barraa de 100 a 400 miliards d'estelas. Es conegua despuei la Preïstòria car forma una faissa blanchassa dins lo ceu nuechenc. Pasmens, sa natura precisa demorèt ignoraa fins au desvolopament de l'astronomia moderna.
![]() |
Pels articles omonims, vejatz Camin de Sant Jaume (omonimia). |
![](http://upload.wikimedia.org/wikipedia/commons/thumb/c/c6/Milky_Way_Night_Sky_Black_Rock_Desert_Nevada.jpg/640px-Milky_Way_Night_Sky_Black_Rock_Desert_Nevada.jpg)
La Via Lactèa es la segonda galaxia mai importanta dau Grop Locau, l'ensemble de las galaxias situaas dins la vesinança de la Terra. A un diametre de 100 000 a 120 000 ans lutz e se seriá formaa rapidament après lo Big Bang. Son estructura actuala seriá aparegua fai 7 a 10 miliards d'ans. Plusors galaxias satellitas orbitan a l'entorn de son centre galactic. Las doas mai importantas son los dos Nívols de Magellan. Dins quatre miliards d'ans, la Via Lactèa deuriá intrar en collision e fusionar amb la Galaxia d'Andromeda. Lo resultat serà probablament una galaxia elliptica.