![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d6/Ambrussum_voies_marqu%25C3%25A9es_10-04-2006.jpg/640px-Ambrussum_voies_marqu%25C3%25A9es_10-04-2006.jpg&w=640&q=50)
Via Domícia
From Wikipedia, the free encyclopedia
La Via Domícia (en latin Via Domitia), coneguda popularament coma Via monaresa o camin molarés e mai carrièra de la Moneda, foguèt una estrada romana antica construcha en 118 abC per lo procònsol Gnaeus Domitius Ahenobarbus e que partiá de Turin e traversava los Alps al còl de Sestrière e al còl de Monginèbre, puèi seguissiá la val de Durença per religar Briançon a La Junquera en traversar la colonia romana de Narbona (en latin Narbo Martius), ont encontrava la Via Aquitània (que menava a l'Ocean Atlantic per Tolosa e Bordèu). Aital Narbona foguèt un crosament estrategic crucial de la Via Domícia amb la Via Aquitània, e èra a aquesta epòca un pòrt accessible, mas plan defendable. La Via Domícia foguèt una via de comunicacion importanta per l'espandiment cap a l'oèst de l'Empèri Roman.
![Thumb image](http://upload.wikimedia.org/wikipedia/commons/thumb/d/d6/Ambrussum_voies_marqu%C3%A9es_10-04-2006.jpg/640px-Ambrussum_voies_marqu%C3%A9es_10-04-2006.jpg)
![Thumb image](http://upload.wikimedia.org/wikipedia/commons/thumb/8/88/Via_Domitia_%28Narbonne%29.jpg/640px-Via_Domitia_%28Narbonne%29.jpg)