From Wikipedia, the free encyclopedia
Tocantins es un estat de la Region Nòrd de Brasil, qu'a pas cap de frontièra maritima. Confronta l'estat de Maranhão al nòrd-èst, Piauí e Bahia a l'èst, Goiás al sud, Mato Grosso al sud-oèst, e Pará a l'oèst e nòrd-oèst. Sa capitala es la vila de Palmas. Sa superfícia totala es similara a aquela de Burkina Faso.
| |||
| capitala populacion (an) |
Palmas 208 165 abitants (2005) | ||
 | |||
| Governador | Marcelo Miranda | ||
| Superfícia | 277 620,9 km² | ||
| Populacion Densitat |
1 305 728 (2005) 4,17 ab/km² | ||
| Pagina oficiala | portal do cidadão | ||
Las primièras idèas d'autonomia per la region de l'actual estat de Tocantins apareguèron al sègle XIX. En 1821 Joaquim Teotônio Segurado capitèt de declarar un govèrn autonòm, mas lo movement foguèt reprimit. Es solament al sègle XX, mai exactament en 1950, que foguèt represa l'idèa. Durant lo decenni de 1970 foguèt prepausat al Congrès Nacional la creacion de l'estat, que capitèt d'èsser aprovada, mas lo president José Sarney i metèt son vèto.
L'estat foguèt creat fin finala amb la constitucion brasilièra de 1988.
Tocantins fa partida de la zòna de transicion entre lo bòsc pluvial amazonian e la savana (en Brasil, nomenada cerrado). Per aquesta rason, los païsatges de l'estat son variats. Al sud del parallèl 6° S lo clima es tropical amb una sason seca entre mai e setembre.
Lo relèu presenta dos punts un pauc mai elevats al nòrd e a l'èst. Las regions centralas e occidentalas son constituidas per la plana del mejan Araguaia, amb l'illa de Bananal (Ilha do Bananal) la pus granda illa fluviala del mond, constituida per dos braçes de l'Araguaia.
Divèrses flumes travèrsan l'estat. Los pus importants son lo riu Tocantins, lo riu Araguaia, lo riu do Sono, lo riu das Balsas e lo riu Paranã.
La principala activitat economica de l'estat es l'elevatge de bovins. Çaquelà las plantacions de Attalea speciosa (babaçu) son fòrça importantas non solament per la consomacion interiora de Brasil, mas tanben per l'exportacion cap a d'autres païses del Mercosur (Mercosul en portugués). Al nòrd de l'estat s'extrai tanben d'òli vegetal sustot dels palmièrs babaçu.
Las culturas pus importantas son: ris, milhòc, sòja e mongeta. Tanben l'ananàs es important, per l'exportacion. I a paucas industrias dins l'estat. Lo torisme ten un grand potencial dins l'estat a causa dels sieus païsatges naturals, coma dins la region de Jalapão.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
