From Wikipedia, the free encyclopedia
Bahia es lo cinquen estat de Brasil per la superfícia e lo pus grand de la Region Nòrd-Èst.
| Capitala populacion (an) |
Salvador 2 673 560 abitants (2005) |
 | |
| Governador | Jaques Wagner (PT) |
| Vicegovernador | Edmundo Pereira Santos (PMDB) |
| Superfícia | 564 273 km² |
| Populacion | 13 815 334 (2005) |
| Densitat | 23,03 ab./km² |
| Pagina oficiala | https://web.archive.org/web/20211028002917/http://www.bahia.ba.gov.br/ |
Sa superfícia totala, 564 692 km², es un pauc mai granda que la d'Espanha. Es a 68,7% dins la region del sertão, de clima semiarid. Son litoral es lo pus long de Brasil, amb 1183 km d'extension, e albèrga fòrça tipes d'ecosistèmas, en tot afavorir l'activitat toristica per sa rara beutat.
,_Bahia,_Brazil.jpg)
Lo clima tropical predomina dins tot l'estat, amb de variacions de precipitacions dins caduna de las diferentas regions. Dins la region del sertão i a un clima semiarid. Sus lo litoral e dins la region de la vila d'Ilhéus, l'umiditat es pus intensa, e lo nivèl de las pluèjas pòt despassar los 1500 mm annals.
Amb 561 026 km² situats sus lo litoral de Brasil, lo relèu de Bahia se caracteriza per la preséncia de planas, altiplans e depressions. Marcat per bassas altituds, lo punt culminant de Bahia es representat per la montanha Pico das Almas, amb 1958 m.
Los altiplans presents dins lo relèu mòstran que l'erosion a trabalhat en cèrca de fòrmas planas. Los altiplans ocupan gaireben tot l'estat, e presentan una seria de nivèls, traversats per de rius venguts de la Chapada Diamantina, de la Serra do Espinhaço e del centre de Minas Gerais, en direccion del nòrd de l'estat e tanben a la pròpria Chapada Diamantina, de format plan, marcant sos limits al nòrd e a l'èst. L'altiplan semiarid, localizat dins lo sertão brasilièr, se caracteriza per d'altituds bassas.
Las principalas vilas toristicas de l'estat son Salvador, Porto Seguro e Ilhéus, situadas sus lo litoral de l'estat e conegudas tanben dins d'autres païses.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
