![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9b/Monolito_de_Tl%25C3%25A1loc%252C_Museo_Nacional_de_Antropolog%25C3%25ADa.jpg/640px-Monolito_de_Tl%25C3%25A1loc%252C_Museo_Nacional_de_Antropolog%25C3%25ADa.jpg&w=640&q=50)
Tlàloc
From Wikipedia, the free encyclopedia
Tlàloc (sonat d'unes còps que i a Nuhualpilli) es lo nom nauatl del Dieu de la pluèja e de la fertilitat dins la religion teotioacana e nauatl. Èra conegut jos d'autres noms dins tot l'airal d'America Centrala. A la debuta representava l'aiga terrèstra, que la sèrp emplumada representava l'aiga celèsta. Es mai conegut per sos ligams a la cosmologia astèca. Los astècas fasián de sacrificis d'enfants per l'onorar, que pensavan que Tlàloc èra lo responsable dels periòdes de secada e dels aigats. Pensavan a mai que d'autres dieus avián creat Tlàloc. Aqueste dieu es originari de la cultura de Teotihuacan. Quand tombèt la vila, passèt a Tula e a partir d'aquel ponch son culte s'espandiguèt dins los vilatges nauatls. Los teotihuacans aguèron de contactes amb los maias e en consequéncia eles tanben l'adoptèron o l'identifiquèron a la forma del dieu Chaac.
![Thumb image](http://upload.wikimedia.org/wikipedia/commons/thumb/2/29/Museo_Nacional_de_Antropolog%C3%ADa_-_Wiki_takes_Antropolog%C3%ADa_086.jpg/640px-Museo_Nacional_de_Antropolog%C3%ADa_-_Wiki_takes_Antropolog%C3%ADa_086.jpg)
![Thumb image](http://upload.wikimedia.org/wikipedia/commons/thumb/9/9b/Monolito_de_Tl%C3%A1loc%2C_Museo_Nacional_de_Antropolog%C3%ADa.jpg/640px-Monolito_de_Tl%C3%A1loc%2C_Museo_Nacional_de_Antropolog%C3%ADa.jpg)
Dins la cosmologia tlaxcaltèca, Tláloc s'èra maridat bèl primièr amb Xochiquetzal, diva de las flors, mas Tezcatlipoca sequestrèt aquesta diva. Tlàloc doncas se tornèt maridar, aqueste còp amb Matlalcoeie. A una sòrre ainada que se sona Huixtocíhuatl.
![Thumb image](http://upload.wikimedia.org/wikipedia/commons/thumb/4/49/Tlaloc%2C_God_of_the_Rain%2C_Thunder%2C_Earthquakes%3B_Codex_Borgia.jpg/640px-Tlaloc%2C_God_of_the_Rain%2C_Thunder%2C_Earthquakes%3B_Codex_Borgia.jpg)