![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/06/Cablecar.zellamsee.500pix.jpg/640px-Cablecar.zellamsee.500pix.jpg&w=640&q=50)
Teleferic
From Wikipedia, the free encyclopedia
Un teleferic es un mejan de transpòrt per cable aerian.
- Dins lo langatge comun, lo teleferic representa un equipament per pujar equipat de cabinas de granda capacitat anant a un suc mai sovent dificil d'accès[1].
- En França, al sens reglamentari, designa totes los tipes de teleportats, es a dire, totas las categorias de transpòrts per cable dispausant de veïculs aerians, coma los telesètis o encara las telecabinas.
- Tecnicament, designa una categoria de transpòrt per cable de construccion dicha « bicable »: las foncions « portar » e « tractar » utilizant de cables diferents. Un teleferic stricto sensu compòrta una infrastructura de rotlament fixe (un o mai cables portaires) ont circulan un o mai veïculs (cabinas o bènas per personas o materials, a l'imatge d'una installacion ferroviària), ligadas a un o mai cables tractors.
![Thumb image](http://upload.wikimedia.org/wikipedia/commons/thumb/0/06/Cablecar.zellamsee.500pix.jpg/320px-Cablecar.zellamsee.500pix.jpg)
![Thumb image](http://upload.wikimedia.org/wikipedia/commons/thumb/4/49/A90523cabinaRenonAaa.jpg/640px-A90523cabinaRenonAaa.jpg)
![Thumb image](http://upload.wikimedia.org/wikipedia/commons/thumb/2/2e/Telepherique-Brest-fin-Sept-16-4.jpg/640px-Telepherique-Brest-fin-Sept-16-4.jpg)
Lo teleferic es utilizar per escalar un relèu penjat o passar una depression geografica (val, cors d'aiga). Es un mejan de transpòrt agradat per sa facultat a se sostraire de las constrenchas topograficas del terren (ligam dirècte), sos costs d'installacion e de foncionament contenguts[2] e sa consomacion mesurada[3].
Lo teleferic es utilizat coma transpòrt en comun, per exemple en montanha, dins las estacions d'espòrts d'ivèrn per l'esquí alpin, mas tanben, per accedir a de punts isolats coma los miradors[4], o encora en mitan urban per aténher un territòri comunal de relèu dificil[5]. Servís tanben coma transpòrt per compte pròpre, dins l'industria subretut[6].