T-10 (carri)

Lo T-10 es un carri pesuc sovietic desvolopat après la Segonda Guèrra Mondiala per remplaçar lei carris pesucs IS-3 e IS-4. D'efiech, la fisabilitat mecanica e la mobilitat d'aquelei blindats èran pas sufisentas per subreviure sus lo prat batalhier deis ans 1950. Èra donc armat d'un canon de 122 mm e protegit per un blindatge capable d'arrestar d'obús de 122 mm tirats a 100 m dau quadre. De motors de 700 a 750 cv permetián d'agantar una velocitat de 24 km/h sus lo prat batalhier e de 50 km/h sus rota. Lo T-10 intrèt en servici en 1955 e 1 439 exemplaris foguèron produchs.

Fotografia d'un T-10 dins un musèu.

Segon certanei fònts, lo T-10 foguèt exportat en China, en Egipte e en Siria. Auriá alora participat ai guèrras israeloaràbias. Sei performàncias son l'objècte de testimoniatges fòrça diferents e son donc mau seguras^[1]. Pasmens, lei Sovietics abandonèron lo concèpte de carri pesuc dins leis ans 1960. Lo T-10 foguèt ansin retirat dau servici en 1968.

Liames intèrnes

• Carri pesuc.

Bibliografia

• (en) Bryan Perret, Soviet Armour Since 1945, Londres, Blandford Press, 1987.

Nòtas e referéncias

1. Es tanben possible que lei performàncias atribuïdas au T-10 sieguen aquelei de l'IS-3 qu'a un aspècte exterior quasi identic.