From Wikipedia, the free encyclopedia
Stephan Eicher (Münchenbuchsee, 17 d'agost de 1960) es conegut coma cantaire francés, çaquelà nascut dins la partida alemanda de Soïssa e ambe d'originas gitanas ienissas. Eissit del corrent new wave, qu'èra l'estili de son grop Gauzone abans d'entemenar sa carrièra en solitari, s'es tanben sarrat del rock e de la cançon francesa, ajudat pels tèxtes escriuts pel romancièr parisenc Philippe Djian.
Stephan Eicher es nascut dins la partida alemanica de Soïssa, a Münchenbuchsee[1] dins la banlega de Bèrna. Stephan Eicher sap donc parlar alemand (sa maire es Alsaciana), e mai precisament lo dialecte alemanic de Bèrna. En mai d'aquò reïvindica aver per son paire d'originas del pòple nomad Ienís. Comencèt de cantar susquetot en anglés (album I Tell This Night en 1985 ambe lo quite tube Two people in a room), per fin finala aver una fama fòrça importanta per sas cançons en francés (Combien de temps, tube en 1988), que los tèxtes èran en realitat sovent los del romancièr parisenc Philippe Djian : Déjeuner en paix, Pas d'ami comme toi, Des hauts des bas... Canta çaquelà tanben ocasionalament en lenga alemanda (Hemmige, tube en 1992).
Au som de sa popularitat dins las annadas 90, sa cançon la mai coneguda se titola Déjeuner en paix (1991). En 1993, a enregistrat son seten album en Occitània a Carcassona, e es per'mor d'aquò que l'a titolat Carcassonne. Tirat d'aqueste disc, son tube Des hauts, des bas serà tanben représ per Gaëtan Roussel e Florent Marchet en 2011.
Recebèt en 1986 lo Bus d'Acier, lo Grand prèmi del rock francés.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
