Saskatchewan

Saskatchewan^[3] (AFI: [səˈskætʃəwən]) es una província de la prada de Canadà, qu'a una superfícia de 588 276,09 km² e una populacion de 1 010 146 personas (segon las estimacions de 2008), que la majoritat viu dins la part sud de la província. Demest aqueles, 233 923 vivon dins la pus granda vila de la província, Saskatoon, e 194 971 vivon dins la capitala provinciala, Regina. Las autras vilas màgers, per òrdre de talha, son Prince Albert, Moose Jaw, Yorkton, Swift Current, e North Battleford. Lo nom de la província ven del riu Saskatchewan, que son nom en cree: kisiskāciwani-sīpiy, significa "riu del corrent rapid "^[4].

Saskatchewan

Saskatchewan
(Bandièra) (Escut d'armas)
Devisa	Mutis e gentibus vires (Latin) «La fòrça dels pòbles desparièrs  »)
Nom oficial	Saskatchewan (en)[1]
Administracion
Capitala	Regina
Lenga oficiala	anglés
Politica
Forma de govèrn	Monarquia constitucionala e Sistèma parlamentari
• Monarca	Carles III
• Primièr ministre	Scott Moe (2018–pas cap de valor)
Geografia
55° N, 106° O
Estat	Canadà
Superfícia	651 900 km²
Punt mai bas	Lac Athabasca (213 m)
Punt culminant	Montanha de Cipressièr (1 392 m)
Fus orari	-6 e -7
Demografia
Populacion	6en
• Totala	1 132 505[2] ab. (2016)
• Densitat	1,74 ab./km²
Economia
Moneda	dolar canadenc
Autras informacions
Còdi postal	S
Domeni Internet	.sk.ca
ISO 3166-2	CA-SK
Sit web	saskatchewan.ca

Geografia

A granda escala, Saskatchewan apareis coma un quadrilatèr. Pasmens, a causa de sas dimensions, las frontièras dels 49^en e 60^en parallèls apareisson corbudas. Saskatchewan confronta a l'oèst Albèrta, al nòrd los Territòris del Nòrd-Oèst, a l'èst Manitòba, e al sud los estats americans de Montana e Dakota del Nòrd. Saskatchewan es la sola província canadenca que sas frontièras seguisson pas cap de limit geografic natural. Es tanben una de las doas províncias sens litoral, l'autra èssent Albèrta.

Saskatchewan conten doas regions naturalas màgers: l'escut canadenc al nòrd e las planas interioras al sud. Lo nòrd de Saskatchewan es mai que mai cobèrt per la selva boreala levat per las dunas de sabla del lac Athabasca, pus granda zona de dunas activas al mond al nòrd del 58^en parallèl, a la broa de la riba sud del lac Athabasca. Lo sud de Saskatchewan conten una autra region de dunas nomenada Great Sand Hills que cobrís mai de 300 km². La region de Cypress Hills, al caire sud-oèst de Saskatchewan e la zona de Killdeer Badlands (Pargue Nacional de Grasslands) son d'airals que demorèron sens glaça pendent lo darrièr periòde glacial. Lo punt mai naut de la província es de 1468 m situat en Cypress Hills. Lo punt mai naut es la riba del Lac Athabasca, a 213 m. La província a catòrze bacins de drenatge^[5] ont los divèrses rius rajan cap a l'Ocean Artic, la Baia d'Hudson, e lo Golf de Mexic.