Quimia organometallica
From Wikipedia, the free encyclopedia
La quimia organometallica es la branca de la quimia qu'estúdia lei compausats quimics contenent una liason covalenta entre un metau e un atòm de carbòni situat dins una foncion organica. Intègra donc d'aspèctes de la quimia organica e de la quimia minerala e es tradicionalament devesida en sosbrancas centradas sus l'estudi d'un tipe donat d'organometallic. Es un domeni important de la quimia modèrna car lei compausats organometallics permèton de realizar de reaccions quimicas particularas[1]. Au nivèu environamentau, es tanben un domeni en cors de desvolopament car fòrça organometallics semblan de tenir un ròtle dins divèrsei pollucions.