Lo Prèmi Robèrt Lafont es una recompensa autrejada cada dos ans pel Departament de Cultura de la Generalitat de Catalonha. La distincion deu son nom e fa omenatge a un dels escrivans e teoricians occitans mai prestigioses del sègle XX, lo nimesenc Robèrt Lafont.
Lo prèmi foguèt instituït en 2010, a l'iniciativa de Jusèp Loís Sans Socasau, per tal de "reconéisser e premiar las personas o entitats que se sián distinguidas dins la defensa, projeccion e promocion de la lenga occitana dins quin ponch que siá del domeni lingüistic".
Lista dels recebedors del Prèmi
- 2010: Pèire Bèc (1921-2014), lingüista occitan de Gasconha
- 2012: Felip Gardy (1948-), escrivan e ensenhaire occitan de Provença
- 2014: Jacme Taupiac (1939-), lingüista occitan de la Gasconha tolosana
- 2016: Musèu dera Val d'Aran, musèu dedicat ara istòria, art, etnografia e etnologia dera Val d'Aran
- 2018: Jòrdi Kremnitz, lingüista alemand especialista de l'occitan
- 2020: Frederic Vergés Bartau, ensenhaire aranés, pionèr en ensenhament der occitan en Aran enes ans 70
- Lissa Escala, pionèra dera ràdio en aranés, e Xavier Lamuela, professor universitari e que formèc part dera Comission que redactèc es Normes Ortografiques der Aranés en 1982, presidic eth Conselh dera Lengua Occitana (fondat en 1996) e actuauments ei membre deth Conselh Consultatiu der Aranés.[1]
Ligams extèrnes
Referéncias
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
