Papièr
From Wikipedia, the free encyclopedia
Lo papier (var. papèr, papèir, papièr[1]) es un materiau fabricat a partir de fibras de cellulòsa. Inventat en China vèrs lo sègle II avC, se presenta sota la forma de fuelhs fins. Se difusèt lentament vèrs Euròpa en remplaçant pauc a pauc leis supòrts d'escritura pus ancians coma lo papirús ò lo pergamin. Venguèt predominant a la fin de l'Edat Mejana e demòra uei un element de basa dins lei domenis de l'escritura, de l'estampatge, dau dessenh, de l'embalatge e l'igièna.