![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6d/Constellacion_-_Orion.png/640px-Constellacion_-_Orion.png&w=640&q=50)
Orion (constellacion)
From Wikipedia, the free encyclopedia
La constellacion d'Orion es una constellacion situada lòng de l'eqüator celèst. Formada de sèt estèlas fòrça luminosas (Betelgeuse, Rigel, Bellatrix, Saiph e la cencha d'Orion), es una constellacion famosa e aisada d'identificar. Dins l'emisfèri nòrd, es una constellacion ivernenca que constituís un ensemble famós amb lei constellacions dau Taure (au nòrd-èst), dau Grand Can (au sud-oèst) e dau Pichon Can (a l'oèst). A proximitat, se tròban taben la Lèbre (au sud), la fònt de l'Eridan (au sud-èst) e l'Unicòrn (a l'oèst). Son traçat modèrne es d'origina grèga e pòrta lo nom d'Orion, un caçaire eissit de la mitologia grèga.
![Thumb image](http://upload.wikimedia.org/wikipedia/commons/thumb/6/6d/Constellacion_-_Orion.png/640px-Constellacion_-_Orion.png)
Assosta un objècte celèst fòrça conegut qu'es la Granda Nebulosa d'Orion (M42). Es una nebulosa difusa de color roge que se situa a 1 500 ans lutz. Visibla a uelh nud, es una buta aisada per un astronòm amator e la partida visible d'una importanta region de formacion d'estelas que s'estend sus la màger part de la constellacion. Se pòu tanben mencionar la nebulosa M78 qu'es un nívol de poussa situat a 1 600 ans lutz de la Tèrra.