![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3b/Oda-Nobunaga.jpg/640px-Oda-Nobunaga.jpg&w=640&q=50)
Oda Nobunaga
From Wikipedia, the free encyclopedia
Oda Nobunaga (23 de junh de 1534, Nagoya - 21 de junh de 1582, Quiòto) es un important daimio japonés de la segonda mitat dau sègle XVI. Considerat coma un dei caps militars pus brilhants de l'istòria de Japon, menèt una tiera de guèrras que li permetèt d'unificar la màger part de Japon sota son autoritat. Vengut de facto cap dau país en 1573, menèt una politica de reformas e de reorganizacion de la noblesa e de l'Estat que prefiguran lo periòde d'estabilitat dau Shogunat Tokugawa proclamat per un de sei vassaus, Tokugawa Ieyasu, en 1603. Susprés per de rebèls dins un temple de Quiòto, se suicidiguèt per defugir la captura. Amb Tokugawa Ieyasu e Toyotomi Hideyoshi, fa partida dei tres unificators de Japon durant lo periòde Sengoku.
![Thumb image](http://upload.wikimedia.org/wikipedia/commons/thumb/3/3b/Oda-Nobunaga.jpg/640px-Oda-Nobunaga.jpg)