Nigèr (país)
From Wikipedia, the free encyclopedia
Nigèr es un país d'Africa saheliana que si situa entre Argeria, Libia, Chad, Nigèria, Benin e Mali. Es compausat de plusors regions diferentas (vau fluviala dau flume Nigèr, zòna agricòla saheliana e Sahara) que foguèron integradas dins leis empèris africans de la vau de Nigèr ò que tenguèron lo ròtle d'espacis tampons entre poissanças sahelianas. Lo Nigèr actuau es ansin un eiretatge dau decopatge impausat per França durant lo periòde coloniau. Es vengut independent en 1960 durant la fragmentacion de l'Empèri Coloniau Francés en Africa. Dempuei aquela data, es un Estat instable que fa partida dei pus paures de la planeta.
Pels articles omonims, vejatz Nigèr. |
Devisa nacionala: Fraternité, Travail, Progrès | |
Superfícia | 1 267 000 km2 |
Populacion | 22 772 361 (2020) |
Independéncia - Jorn |
(de França) 3 d'agost, 1960 |
Ora ora d'estiu |
UTC+1 UTC+2 |
Còde de país de l'ISO | 562, NER, NE |
Còde telefonic | +227 |
Domeni d'Internet | .ne |
La capitala es Niamey e lo gentilici es nigerin. En causa de la localizacion geografica, la màger part dau país es somesa a un clima fòrça sec influenciat per Sahara. La populacion, quasi 23 milions d'abitants en 2020, es concentrada dins la vau fluviala e lòng de la frontiera amb Nigèria onte lei condicions climaticas son pus favorablas. Plusors etnias principalas existisson coma lei Haussàs, lei Zarmas, lei Toarègs ò lei Peuls. L'islam sunita es la religion dominanta.