From Wikipedia, the free encyclopedia
Nòva Caledònia[2] (var. Nava Caledònia, Nuòva Caledònia; en francés: Nouvelle-Calédonie) o Canaquia[2] es un país situat dins lo sud oèst de l'Ocean Pacific, al sud de Vanuatu, aperaquí a 1210 km a l'èst d'Austràlia. A l'estatut de una collectivitat francesa sui generis e se tròba a 20 000 km de la França metropolitana. L'archipèla, qu'es part de la region Melanesia, inclutz l'illa principala de Tèrra Granda, las Illas de la Leialtat, las Illas Chesterfield, l'archipèla de Belep, l'Illa dels pins, e mantuns illons. Canaquia a una superfícia de 18 576 km². Sa populacion èra de 271 407 abitants al recensament de 2019[3] formada d'una mescla de canac (los abitants indigèns), d'europèus (caldoches, franceses de metropòla), de polinesian (subretot wallisians), d'asiatics, amb tanben qualques pès negres e nòrd africans. La capitala del territòri es Nomea.
Nouvelle-Calédonie (fr) ![]() | |
![]() ![]() | |
Imne | Soyons unis, devenons frères ![]() |
---|---|
Nom oficial | Nouvelle-Calédonie ((fr)) ![]() |
Administracion | |
Estat | França ![]() |
Capitala | Nomea ![]() |
Lenga oficiala | francés ![]() |
Politica | |
• Cap d'Estat | Philippe Germain (ca) ![]() ![]() |
Geografia | |
Coordenadas | 21° 15′ S, 165° 18′ E |
Superfícia | 18 576 km² ![]() |
Fus orari | UTC+11:00 ![]() |
Demografia | |
• Totala | 278 500[1] ![]() ![]() |
• Densitat | 14,99 ab./km² |
Economia | |
Moneda | Franc CFP ![]() |
Autras informacions | |
Còdi postal | 988* ![]() |
Indicatiu telefonic | +687 ![]() |
Domeni Internet | .nc ![]() |
ISO 3166-2 | FR-NC ![]() |
Sit web | gouv.nc ![]() |
Lo gentilici es canac, -a (o caledonian, -a).
Canaquia es un ensemble d'illas e d'archipèlas melanesians de l'ocean Pacific Sud, situat dins la mar de Coralh en Oceania luènha a l'entorn de las coordenadas 21° 30' Sud 165° 30' Est, a 1 407 km a l'èst-nòrd-èst d'Austràlia (Double Island Point) e 1 477 km al nòrd-nòrd-oèst de la punta septentrionala de l'illa del Nòrd, en Nòva Zelanda. Lo país insulari de Vanuatu la confronta al nòrd-nòrd-èst e Port Vila es alunhat de Nomea de 539 km. Cobrís una superfícia terrèstra totala de 18 575,5 km2[4] e aperaquí 3 400 km de còstas[5].
Canaquia es centrada a l'entorn d'una illa principala, la Tèrra Granda. Comprend tanben mai d'un ensembles d'illas pus pichonas, las illas Belep al nòrd-oèst de la Grande Terre, l'illa dels Pins al sud-èst, las illas de la Leialtat al nòrd-èst (Ouvéa, Lifou, Tiga e Maré), pus luènh a l'oèst l'archipèla de las illas Chesterfield e los escuèlhs de Bellone.
Sus una superfícia d'aperaquí 16 360,8 km2[6], la Grande Terre es de luènh la mai granda de totas las illas neocaledonianas. S'estira del nòrd-oèst al sud-èst sus près de 400 km en longor e 50 a 70 km en largor. Es percorreguda sus tota sa longor per una cadena montanhosa, que lo punt culminant, lo mont Panié, s'enauça a 1 628 mètres[7] (5 344 pès) d'altitud.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.