![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/56/White_shark.jpg/640px-White_shark.jpg&w=640&q=50)
Làmia
From Wikipedia, the free encyclopedia
La làmia, lo verdon, lo peis-can (var. peis-chan, peish-can) o lo peis-ferum (var. peis-feram) (superòrdre Selachimorpha) es un ensems de peisses dotats d'una esqueleta completament cartilaginosa e d'un còs aerodinamic. Pòdon alenar gràcias a entre cinc e sèt gaunhas. Las làmias possedisson una pellicula d'escatas que protegís sa pèl dels parasits e que renfòrça son idrodinamicitat.[1] Tenon de dents remplaçablas. Son de predators fòrça mal coneguts, vist qu'atacan rarament los umans a mens que foguèssen intimidats.
![]() |
Pels articles omonims, vejatz Verdon. |
Règne | Animalia |
---|---|
Embrancament | Chordata |
Sosembr. | Vertebrata |
Classa | Chondrichthyes |
Sosclassa | Elasmobranchii |
Selachimorpha
— autor complet —, data de precisar
Òrdres de reng inferior
- Carcharhiniformes
- Heterodontiformes
- Hexanchiformes
- Lamniformes
- Orectolobiformes
- Pristiophoriformes
- Squaliformes
- Squatiniformes
![](http://upload.wikimedia.org/wikipedia/commons/thumb/a/a1/Male_whale_shark_at_Georgia_Aquarium.jpg/640px-Male_whale_shark_at_Georgia_Aquarium.jpg)
Las làmias comprenon d'espècias que van de la làmia pigmèa de la talha de la man, Euprotomicrus bispinatus, una espècia de mar prigonda que sonque mesura 22 cm, a la làmia balena, Rhincodon typus, lo peis lo mai gròs, que pòt aténher una longor d'aperaquí 12 m e que, coma las grandas balenas, manja pas que plancton en s'alimentar per filtracion. La làmia buòu, Carcharhinus leucas, es l'espècia mai coneguda e pòt nadar dins d'aiga salada o doça (se pòt trapar dins lo Lac Nicaragua, en America Centrala) e dins los deltas.