Fondat en 1970, Kraftwerk (usina electrica, prononciat [ˈkʁaftvɛɐ̯k]) es un grop de musica electronica alemand originari de Düsseldorf (Alemanha). Kraftwerk es un grop precursor en matèria de musica electronica, demest los primièrs a popularizar lo genre (ambe lo Francés Jean-Michel Jarre).
.jpg)
Kraftwerk serà sustot un dels grops qu'aurà lo mai marcat la musica pop de la fin del sègle 20en,[1] en particular lo disco (Giorgio Moroder), l'italo-disco (Topo & Roby) e la new wave (The B-52's, Bronski Beat e The Communards, Duran Duran, Talk Talk, A-ha, Pet Shop Boys, Marquis de Sade, Indochine), mai especificament la synthpop, genre eissit dirèctament de l'estili Kraftwerk : aital, l'influéncia de Kraktwerk s'ausís clarament dins la musica de grops coma Depeche Mode, Yazoo, Eurythmics, Tears for Fears, Orchestral Manoeuvres in the Dark, Visage, Propaganda, Frankie Goes to Hollywood, Secret Service, Alphaville, Camouflage, Trans-X, etc.
Kraftwerk a tanben influenciat lo hip-hop e la house al nivèl de l'escapolonatge, e plan evidentament fins a uèi la tècno e d'un biais general tota la musica electronica de las annadas 90 (U96, Front 242, Scooter, The Prodigy, Daft Punk, Air, Benny Benassi...) vist que la tècno e l'electrò au sens larg es de facto eretièra dels estilis precitats (disco, synthpop, house e hip-hop).
La sonoritat del grop se caracteriza per la combinason d'una linha de bassa e d'una ritmica electronica ambe una estructura armonica e de melodias repetitivas fachas a partir de sintetizors, ambe de paraulas minimalistas cantadas o roboticas dins mantunas lengas, mai que mai en anglés (The model, The Robots) e en alemand (Das model, Die Roboter), qualques còps en francés, mai rarament en espanhòl, en rus, japonés, italian o en polonés.
Lo nuclèu original de Kraftwerk es lo duò Florian Schneider-Esleben e Ralf Hütter, ambe a l'entorn d'eles mantuns autres musicians coma lo guitarrista Michael Rother, lo bataire Klaus Dinger o encara l'engenhaire del son Konrad « Conny » Plank. A partir de 1975, Kraftwerk es un qüatuor electronic compausat del duò fondator Ralf Hütter e Florian Schneider-Esleben, ambe los percussionistas Wolfgang Flür e Karl Bartos.
Demest los títols emblematics de Kraftwerk, se pòt citar Radioactivity, Trans-Europe Express, The Robots o encara Das Model.
Lo paure Florian Schneider-Esleben defuntèt en 2020.
Discografia
- 1970 : Kraftwerk
- 1972 : Kraftwerk 2
- 1973 : Ralf und Florian
- 1974 : Autobahn
- 1975 : Radio-Activity
- 1977 : Trans-Europe Express
- 1978 : The Man-Machine
- 1981 : Computer World
- 1986 : Electric Café
- 1991 : The Mix
- 2003 : Tour de France Soundtracks
Cançons mai conegudas
- Autobahn (1975)
- Radioactivity (1976)
- Trans-Europe Express (1977)
- Les mannequins (1978)
- The Robots (1978)
- The model / Das model (1978)
- Mini calculateur (1981)
- Musique non stop (1986)
- The telephone call (1987)
Referéncias
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
