Jardin de las Esperidas
From Wikipedia, the free encyclopedia
Lo Jardin de las Esperidas es un luòc mitologic situat, segon uns, als tèrmes de l'occident, segon d'autres dins los desèrts de Libia o ben al nòrd alunhat, sempre mai al delà de las limitas conegudas, ont sonque los eròis s'i aventuran a la recerca de l'immortalitat. Dins aquen jardin propietat de la divesa Èra i vivon las ninfas Esperidas e l'arbre de la vida amb las "pomas dauradas", fruches precioses que balhan l'immortalitat. Èra i placèt Ladon un drac o sèrp de cent caps que jamai dormissiá, perque gardava las pomas preciosas.
Un dels dotze trebalhs que lo rei Euristèu carguèt a Eracles foguèt de raubar las pomas. L'eròi capita a matar lo drac (o, segon d'autres, lo quite Atlàs las anèt culhir alara qu'Eracles sosteniá la vòlta del cèl per el). Mai tard, Atena tornèt las pomas al jardin de las Esperidas.