Jacòb de Gassion, president deu Parlament de Navarra vadut a Pau en 1596, hrair deu Marescau de França Joan de Gassion. Lo son hilh qu'aucupè la medisha foncion.
Jacòb de Gassion qu'ei l'autor d'un famós sonet en bearnés adaptat de Pierre Ronsard e mes en musica peu cantaire bearnés Marcèu Amont:
Quan lo primtemps en rauba pingorlada
A hèit passar l'escosor deus grans hreds,
Lo cabiròu per bonds e garrimbets,
Sauteriqueja au mietan de la prada.
Au bèth esguit de l'auba ensafranada
Prenent la fresca , au long deus arrivets,
Miralhà's va dehens l'aiga argentada,
Puish suu tucòu hè cent arricoquets...
Deus cans corrents cranh chic la clapiteja ;
E se tien sauv ... Mes, en tant qui holeja,
L'arquebusèr lo da lo còp mortau !
Atau viví sens tristessa ni mieja,
Quan un bèth uelh m'anà har per enveja,
Au miei deu còr, bèra plaga leiau.
Aute sonet [1]
Quan Raborit, la nueit, per casa avant rodeja,
Pensant de s'esgaudir dab Pigueta dehens,
'Pigon tot ariçat, los uelhs de raja ardents,
En arriçant lo nas, tostemps que clapiteja
Eth hè la tèrra tremb ; puish shens reson ni mieja,
Aqueth mordent mostin, dab sas mortelas dents,
Au lòc d'amigalhar Pigueta doçament,
Que la gaha au bèth còth e jamei non codeja
Com lo can de Palhàs, tau bèth medish de caça
Car çò qui non pòt har, non vòu qu'aute qu'ac hasse :
'Pigueta a l'entertant que l'aire de talent.
Mes puish qu'a son costat, eth ei com bèra soca,
E que la hè delir, las aigas a la boca
Si Pigon garda a casa, eth serà plan valent
Bibliografia
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
