Indonesia
From Wikipedia, the free encyclopedia
Indonesia, oficialament la Republica d'Indonesia, es un país d'Asia dau Sud-Èst situat entre l'Ocean Indian e l'Ocean Pacific au nòrd-oèst d'Austràlia e au sud-èst de Malàisia. Es un estat insulari que s'estend sus la màger part deis archipèus de la region qu'es independent dempuei 1945. Es eissit deis Índias Neerlandesas que sa formacion foguèt l'òbra de la politica coloniala de la Companhiá neerlandesa deis Índias orientalas (VOC) e dei País Bas. Entraïnèt leis annexions successivas d'una tiera d'estats princiers generalament musulmans. D'efèct, crosiera comerciala entre China e Índia, la region veguèt l'aparicion d'estats marchands a partir dau sègle VII. Inicialament basat sus lo modèl indian e lei principis dau bodisme e de l'indoïsme, s'islamizèron pauc a pauc a partir dau sègle XIV e l'arribada dei Portugués remplaçats per leis Olandés a la fin dau sègle XVI. Après l'independéncia, Indonesia conoguèt principalament de regimes autoritaris, especialament aqueu dau generau Suharto que foguèt finalament reversat en 1998 per laissar la plaça a un regime democratic.
Indonesia | |
Republik Indonesia | |
Devisa: Bhinneka Tunggal Ika | |
Administracion | |
---|---|
Capitala | Jakarta 6° 10′ 05″ S, 106° 49′ 07″ E |
Forma de l'Estat | Republica |
President | Joko Widodo |
Geografia | |
Vila principala | Jakarta |
Superfícia | Classat 14en |
• Totala | 1,904,569 km² |
• Aiga (%) | 4,85 % % |
Punt culminant | Puncak Jaya (ca) |
Demografia | |
Populacion | Classat 4en |
• Totala | 261,115,456 ab. (2016) |
Istòria | |
Independéncia | dels Païses Basses |
17 d'agost de 1945 | |
Economia | |
Moneda | IDR |
PIB | ▲ 932,4 miliard USD 16 (2016) |
Autras informacions | |
Indicatiu telefonic | 62 |
ISO 3166 | ID |
Fus orari | +7 a +9 |
Domeni internet | .id |
Indonesia es un país musulman fòrça poblat amb aperaquí 254 milions d'abitants (2015). Es una republica de regime presidenciau que sa capitala es Jakarta. Sa lenga oficiala es l'indonesian qu'es una varietat de malai. Pasmens, au mens 700 autrei lengas son parladas dins l'archipèu. La geografia deis illas es montanhosa e la region es geologicament fòrça activa. A un clima umid que varia de tipe tropicau ò eqüatoriau. Son economia conoís un desvolopament economic fòrça important dempuei la fin dau sègle XX. Aquò a permés au país de venir una poissança regionala importanta qu'a un ròtle actiu au sen de l'ASEAN e que fa partida dau G20.
Enfin, au nivèu culturau, Indonesia a un patrimòni fòrça ric gràcias a la diversitat etnica de son poblament, a l'aparicion d'estats estructurats au sègle VII, a l'influéncia de plusors religions majoras (bodisme, indoïsme, islam e cristianisme) e de culturas desvolopadas (indiana, chinesa, aràbia, europèa) e d'una politica dau govèrn en favor de la promoccion dei culturas localas.