![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/62/Constellacion_-_Hydra.png/640px-Constellacion_-_Hydra.png&w=640&q=50)
Idra (constellacion)
From Wikipedia, the free encyclopedia
La constellacion de l’Idra (Hydra en latin) es la constellacion pus estenduda e pus lònga. Pasmens, en despiech de sa talha, a pauc d'estèlas lusentas e es una constellacion relativament malaisada d'observar. Representa l'idra, sèrp de nòu tèstas, que foguèt combatut e tuat per Ercules dins la mitologia grèga. Es un ensems ancian qu'èra ja definit au sègle III avC per Aratos.
![Thumb image](http://upload.wikimedia.org/wikipedia/commons/thumb/6/62/Constellacion_-_Hydra.png/640px-Constellacion_-_Hydra.png)
Tèn quauqueis objèctes astronomics interessants per d'astronòms amators coma leis estèlas variablas R Hydrae e V Hydrae. La premiera es una variable de tipe Mira que sa magnitud varia entre 3,5 e 10,9. La segonda es un exemple rar d'estèla carbonada. De color sorn, a una temperatura de superficia fòrça bassa e presenta de variacions de luminositat irregularas entre lei magnituds 6 e 12. L'Idra assosta tanben un amàs dubèrt de remarca (M48) e una galaxia espirala (M83) que son aisats d'observar amb un pòrtavista.