From Wikipedia, the free encyclopedia
Homiel (en bielorús Гомель) o Gomel (en rus Гомель) es un vila de Bielorussia e e lo centre administratiu de la region (voblast) de Homiel. Sa populacion èra de 535229 abitants[1] en 2017, çò que ne fasiá la segonda vila de l'estat.
|
Homiel Гомель | |
|---|---|
.jpg) | |
| Geografia fisica | |
| Coordenadas | 52° 25′ 01″ N, 30° 58′ 59″ E |
| Geografia politica | |
| País |  Bielorussia |
| voblast | Voblast de Homiel |
| Geografia umana | |
| Populacion (2017) |
535 229 ab. |
| Autras informacions | |
| http: | |
Homiel es situada a 282 km al sud-èst de Miensk, près de las frontièras amb Ucraïna e Russia. La vila es asagada pel riu Soj, que se trai dins Dnièpre ua cinquantena de quilomètres al sud.
La data exacta de la fondacion de Homiel es desconeguda, mas es mencionada pel primièr còp fois en 1142, dins una cronica. Aquesta data es generalament considerada coma la data de creacion. Las ribas de l’autre costat de Soj èran ocupadas per una autra vila, Bielitsa.
Coma nombrosas vilas bielorussas, Homiel deguèt afrontar a l'Edat Mejana l’invasion tatara e las atacas de l'Òrda d'Aur, es pr'aquò que demandèt la proteccion del Grand Ducat de Lituània, per loqual foguèt annexada.
L’union del Grand Ducat amb lo reialme de Polonha en 1569 faguèt de Homiel una vila de las confinhas de la republica de las Doas Nacions.
En 1772, la part orientala de Bielorussia foguèt annexada a l’Empèri rus. La tsarina Catarina II de Russia faguèt don de la vila en 1775 a un de sos favorits, Piotr Alexandrovitch Roumiantsev, que recebèt tanben lo governament d’Ucraïna. Aqueste s’instalèt a Homiel e i faguèt bastir un palais e una catedrala, enrodats d’un vast pargue. Sa femna, Irina, contribuiguèt a la bona fama de son marit en fasent bastir un espital, un orfelinat e una escòla de musica per los enfants paures.
En 1854, Bielitsa foguèt annexada a Homiel, e n'es desenant un quartièr.
Durant l’estiu de 1903, una temptativa de pogrom fracassèt fàcia a la determinacion d’un grop d’autodefensa jusieu organizat per lo Bund. Dos-cents jusieus armats rebutèron los pogroms.
Pendant la Segonda Guèrra Mondiala, Homiel foguèt ocupada per l’Alemanha nazia del 19 d'agost de 1941 al 26 de novembre de 1943. Mai de la mitat de sa populacion jusieva periguèt pendent la guèrra. En 1941, en dos jorns, 2500 jusieus de Homiel internats dins un camp près de Monastyrek, foguèron fusilhats dins un valat anticarri près de Lechtchinec. La vila foguèt gaireben entièrament destrusida durant la guèrra.
En 1986, Homiel foguèt una de las primièras vilas tocadas per la nívol radioactiva provocada per la catastròfa de Chornobil. La vila demòra una de las mai irradiadas d’Euròpa e sa populacion foguèt pas jamai evacuada.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
