![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d0/Perrotin-Joseph.jpg/640px-Perrotin-Joseph.jpg&w=640&q=50)
Henri Perrotin
From Wikipedia, the free encyclopedia
Henri Joseph Anastase Perrotin (19 de decembre de 1845 (Sent Lop) – 29 de febrièr de 1904 (Niça)) foguèt un astronòm occitan.
![](http://upload.wikimedia.org/wikipedia/commons/thumb/d/d0/Perrotin-Joseph.jpg/320px-Perrotin-Joseph.jpg)
Eissit d'una familha modèsta de Lengadòc, estudièt al licèu de Pau. Al començament de sa carrièra, el meteis e Guillaume Bigourdan foguèron assistents de Félix Tisserand a l'Observatòri de Tolosa, venguèt professor de mecanica celèsta a la Facultat de las Sciéncias de Tolosa. Mai tard, venguèt director de l'Observatòri de Niça de 1884 fins a sa mòrt. Faguèt d'observacions de Mart e ensagèt de determinar lo periòde de rotacion de Vènus. Calculèt tanben las perturbacions de l'orbita de (4) Vesta.
Dins la literatura, es nomenat Henri Perrotin e a vegadas Joseph Perrotin (e mai siá la meteissa persona). Sas descobèrtas d'asteroïdes son atribuidas pel Minor Planet Center a J. Perrotin.
Creèt las Annalas de l'Observatòri de Niça en 1887.
(138) Tolosa | 19 de mai de 1874 |
(149) Medusa | 21 de setembre de 1875 |
(163) Erigone | 26 d'abril de 1876 |
(170) Maria | 10 de genièr de 1877 |
(180) Garumna | 29 de genièr de 1878 |
(252) Clementina | 11 d'octobre de 1885 |