Marcel-Henri Gaussen, nascut a Cabrièras d'Egues (Provença) lo 14 de julhèt de 1891 e mòrt a Tolosa lo 27 de julhet de 1981, es un botanista e biogeografe.
![Thumb](http://upload.wikimedia.org/wikipedia/commons/thumb/1/1b/MHNT_Jardin_Henri_Gaussen.jpg/640px-MHNT_Jardin_Henri_Gaussen.jpg)
En 1926, sostenguèt sa tèsi que pòrta sus « la vegetacion de la mitat orientala dels Pirenèus », que pausa las basas dels seus futurs trabalhs, al tèrme entre biogeografia e cartografia de la vegetacion. Gaussen es a l'origina de la nocion d'estatges e de successions de la vegetacion, fondatritz de la fitogeografia. Son trabalh permèt per exemple la realizacion d'una mapa de la vegetacion de França al 1/200 000 (acabada après sa mòrt pel servici del CNRS qu'aviá creat e dirigit) e de fòrça projèctes analogs dins d'autres païses. Sos trabalh de fitogeografia menèt a un grand nombre d'avaçadas e d'aisina coma l'index de Gaussen, l'index xerotermic e lo diagrama ombrotermic. Coma reconeissença per son òbra scientifica dins la cartografia del tapís vegetal e de l'ecologia, recebèt en 1971 lo Grand prèmi de la Societat de geografia per sas òbras e publicacions geograficas.
Tanben creèt en 1922 lo Laboratoire sylvo-pastoral de Jouéou (futur Laboratòri forestièr) e faguèt viure lo dinamisme e la renomada dels ensenhaments e de la recerca en botanica a l'universitat de Tolosa. Grand viatgaire, tanben creèt una seccion scientifica a l'Institut francés de Pondicherry.
Henri Gaussen foguèt tota sa vida professor a Tolosa, ont foguèt elegit manteneire de l'Acadèmia dels Jòcs Florals en 1958.
Avent accumulat un nombre impressionant de fotografias personalas, donèt sa colleccion als Archius departementals de la Nauta Garona, ont se las pòt consultar ara.
Principalas publicacions
- Les cultures en terrasses dans le bassin méditerranéen occidental in Annales de géographie, tome 36, 1927
- Géographie des Plantes, Librairie Armand Colin, 1933, (222 pages, 8 cartes et figures)
- Les gymnospermes actuelles et fossiles, Travaux du laboratoire forestier de Toulouse 2, 1946-1979
- Le dynamisme des biocénoses végétales, Colloque international du CNRS sur l'écologie. P., février 1950
- Montagnes, la vie aux hautes altitudes, Horizons de France, 1955 (avec Paul Barruel)
- Habitations humaines dans les Pyrénées et les Alpes, in La Montagne, Club alpin français, décembre 1966
Onors
- Prèmi Henri-Gaussen
- Decernat par l'Acadèmia de las sciéncias, inscripcions e bèlas letras de Tolosa, que prima cada an un obratge scientific sus la cadena dels Pirenèus.
- La Vila de Tolosa l'onora d'un Baloard Henri Gaussen, dins lo quartièr dels Minims e lo Jardin botanic Henri Gaussen dins lo Musèu d'Istòria Naturala de Tolosa
Ligams extèrnes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.