Gabino Diego
From Wikipedia, the free encyclopedia
Gabino Diego Solis (Madrid, lo 18 de setembre de 1966) es un actor espanhòl.
![Thumb image](http://upload.wikimedia.org/wikipedia/commons/thumb/4/45/Gabino_Diego_cropped_1996.jpg/220px-Gabino_Diego_cropped_1996.jpg)
En 1983 Jaime Chávarri lo faguèt jogar dins Las bicicletas son para el verano, basat sobre l'òbra de teatre de Fernando Fernán Gómez sus la Guèrra d'Espanha. Las criticas fuguèron fòrça duras e Gabino Diego faguèt una depression. Mas Fernando Fernán Gómez li donèt una autra oportunitat amb lo filme El viaje a ninguna parte (1986).
En 1989, joguèt en ¡Ay, Carmela!, de Carlos Saura (amb Carmen Maura e Andrés Pajares), tanben sus la Guèrra d'Espanha. Recebèt lo Prèmi Goya ("Premio Goya a la mejor interpretación masculina de reparto") pel filme.
En 1991, joguèt lo ròtle de Felip IV dins lo filme El rey pasmado d'Imanol Uribe. Lo rei Joan Carles I d'Espanha diguèt que Gabino Diego èra coma de la familha (perque sembla fòrça a Felip IV). Amb aqueste ròtle, s'impausèt al nivèl nacional.