![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0d/Foie_gras_IMGP2349.jpg/640px-Foie_gras_IMGP2349.jpg&w=640&q=50)
Fetge gras
From Wikipedia, the free encyclopedia
Lo fetge gras es una especialitat culinària a basa de fetge fresc eissit de l'elevatge e de l'engraissament per embucatge de las aucas e dels tirons.
Fetge gras (lang) Hitge gras (gasc) | |
Fetge gras prèst a consumir.![]() | |
| |
Lieu d'origina | Lengadòc, Gasconha[1], Egipte anciana |
---|---|
Data | - 2 500 |
Plaça dins lo servici | Dintrada o accessòria d'autres plats |
Temperatura de servici | Freg o caud |
Ingredients | Fetge gras fresc eissit de l'elevatge puèi de l'engraissement per embucatge de las aucas e dels tirons |
Acompanhament | Vin liquorós, Champanha |
Classificacion | Patrimòni cultural e gastronomic protegit en França |
modificar![]() |
Lo fetge gras es un plat de fèsta populara e fòrça conegut dins la cosina occitana e francesa. Se consumís crus, mièg cuèch o cuèch, e pòt èsser prepausat jos forma de produches fresques o de consèrvas, consumit sol o en acompanhament d'autres plats coma una carn. Segon la lei francesa, « lo fetge gras fa part del patrimòni cultural e gastronomic protegit en França. Òm ausís per fetge gras, lo fetge d'un tiron o d'una auca especialament engraissats per embucatge ».
Se la tecnica d'embucatge data del sègle XXV av. J.-C., quand los egipcians de l'Antiquitat an començat d'embucar los aucèls per los engraissar, la consomacion de fetge gras pròpriament dich es estada senhalada pel primièr còp dins la Roma antica.
Uèi, França es de luènh lo mai grand país productor e consumaire de fetge gras, seguida per la rèsta d'Euròpa, los Estats Units e China.
Del fach de las controvèrsias sus l'embucatge dels animals, mantes païses o jurisdiccions an promulgat de las leis contra la produccion o la comercializacion de produches obtenguts amb gavatge forçat jos la pression d'associacions militant pel benestar animal. Una alternativa consistís a reconéisser e promòure l'embucatge natural.