El Pont de Bar Vell es un nuclèu de populacion despoblat de la municipalitat del Pont de Bar, a l'Aut Urgèl. La fin de la populacion d'aquel nuclèu remonta als aigats de 1982 que destruguèron l'ancian vilatge de Pont de Bar. Lo vièlh nuclèu, ont demòran encara qualques ostals e las rèstas d'autras, èra situat a la vorera esquèrra del Segre, edificat entre lo riu e la rota C-14.
En aquel meteis luòc se contruguèt un pont, a l'ancian tèrme de Bar, de la part de Sant Ermengol, evesque d'Urgelh, al sègle XI. Aquel pont, que donèt nom al vilatge, foguèt destruit, coma tanben lo vilatge, pendent los aigats del 1982. La part bassa del vilatge s'arroïna tanben alavetz, e demorèt destruida la centrala electrica. Las aigas provoquèron la esllavissament de las tèrras de l'esquèrra del Segre, e aiçò, somat a la fòrça del corrent de l'aigat, ocasionèt aquelas destruccions.
Lo pont aviá ja recebut fòrça vicissituds al cors de la siá istòria. Bastit per Sant Ermengol, que moriguèt justament en inspeccionant lo pont de Bar d'ont queiguec al riu. Lo pont se li calguèt rebastir de divèrses còps, pendent la Tresena Guèrra Carlina, e en 1910.
Se conserva la capèla de Sant Ermengol, patron del pòble, e a la paret de montanha de la solana i a de faissas fòrça estrechas, talhadas d'una manièra espectaclosa en lo rost pendent, ont abans se cultivava la vinha dels Pirenèus.
Après los aigats lo nòu Pont de Bar foguèt tornarmai construit en un tuc a mièg quilomètre de l'ancian nuclèu, exactament a l'endrech del Solar del Gripó.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.