El Pont de Bar es una municipalitat de la comarca de l'Aut Urgèl (Catalonha), nomenada Aristot e Toloriu fins en 1989. La capitala de la municipalitat es el Pont de Bar, un vilatge que fins en 1982 se trobava situat dins lo congost del riu Segre mas los aigats de 1982 destrusiguèron l'ancian vilatge, ara nomenat el Pont de Bar Vell e se rebastiguèt un pauc mai aval del cors del Segre e a una nautor superiora perque cap d'autre aigat lo poguès destrusir.
El Pont de Bar Vell es un exemple del profechament de la tèrra amb lo cultiu de la vinha. Las siás terrassas pujavan dempuèi la ribièra del Segre fins als vilatges d'Aristot e Castellnou de Carcolze, encimbellats dins la montanha. Los bancals del Pont de Bar son, sens cap de dobte, un exemple força interessant de l'engenhariá populara aplicada a las activitats per la subsisténcia.
Al Pont de Bar se tròba tanben lo Musèu del vin de montanha o Musèu de la Vinha e del Vin del Pont de Bar plaçat a l'ancian cortal de Cal Teixidoret, a l'intrada del nòu vilatge (rebastit après los aigats de 1982). S'expausa naut tot aquò que fa referéncia al cultiu de la vinha, del temps qu'a l'estança de jos siás consacrat a l'elaboracion del vin.
Entitat de poblacion | Abitants |
---|---|
Ardaix | 7 |
Arenys, els | 9 |
Aristot | 29 |
Banys de Sant Vicenç, els | 6 |
Bar | 28 |
Castellnou de Carcolze | 17 |
el Pont de Bar | 33 |
Toloriu | 29 |
Lo nòu Pont de Bar
Lo vilatge actual del Pont de Bar a 36 abitants e foguèt inaugurat per Jordi Pujol, alavetz president de la Generalitat de Catalonha, en julhet de 1988, sièis ans après los aigats de 1982 que destrusiguèron el Pont de Bar Vell. Lo nòu nuclèu se lèva a mièg quilomètre, riu aval del Segre, del vilatge vièlh a l'endrech del Solar del Gripó, en un tuc.
Las òbras d'urbanizacion del nòu vilatge comencèron en junh de 1985. Òm a bastit d'abitcions unifamiliaras, una fonda, la comuna, la glèisa, una plaça e una vaqueria.
Demografia
Lo primièr cens es de 1970 après la fusion d'Aristot e Toloriu. Las donadas anterioras son la soma de las ancianas municipalitats.
- Portal de Catalonha
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.