Dioscurs
From Wikipedia, the free encyclopedia
Dins la mitologia grèga, Castòr e Pollux (en grèc ancian Κάστωρ καὶ Πολυδεύκης), Nomenats Dioscurs (en grèc ancian Διόσκουροι, « jovents de Zèus »), son los dos bessons de Leda. Cadun nascut d’un uòu diferent, son respectivament, per Castòr, fraire de Clitemnestra e filh de Tindar, rei d’Esparta, e per Pollux, fraire d'Elena e filh de Zèus.
![Thumb image](http://upload.wikimedia.org/wikipedia/commons/thumb/8/83/Colossal_Dioscure_Campidoglio.jpg/640px-Colossal_Dioscure_Campidoglio.jpg)
Simbòls grècs de la figura indoeuropèa dels dieus bessons, los Dioscurs son lo simbòl dels jovents en edat de portar las armas. Apareisson coma de salvadors dins de situacions desesperadas e los protectors dels marins[1]. Lo fuòc de Sant Elm es considerat coma lor manifestacion fisica; son associats a la constellacion dels Geminis.
Lo tèrme « dioscurs » ten tanben un sens mai general, per designar lo tèma dels « bessons divins » dins d’autras mitologias (per exemple amerindiana).