La Camèla o garopa [1](Cneorum tricoccon) es un arbrilhon mediterranèu de fuèlhas persistentas, un pauc semblablas a las de l'olivièr, de pichonas fuèlhas jaunas e de fruches roges formant tres clòscas (d'aquò li ven lo qualificatiu tricoccon). Autrecòps representant màger de la pichona familha de las Cneoracèas, es ara classificat dins las Rutacèas.
Fuèlhas e flor
Règne | Plantae |
---|---|
Division | Magnoliophyta |
Classa | Magnoliopsida |
Òrdre | Sapindales |
Familha | Cneoraceae |
Genre | Cneorum |
Òrdre | Sapindales |
---|---|
Familha | Rutaceae |
Ecologia e abitat
Aqueste arbrilhon buta dins l'Oèst del baçin mediterranèu, d'Espanha cap a Itàlia e gaireben sempre sus de sòls calcaris e dins de rocalhas feblament boscadas (garriga). Es sovent associat amb de romanin o d'aladèrn
- Florason: marça a junh
- Pollinizacion: entomogama
- Espandiment: endozoocòr
Descripcion
Morfologia generala e vegetativa
Arbrilhon de pichona talha (inferiora a 1 mètre), fòrça ramificat, de rams erigidas. Fuèlhas persistentas, coriàcias, sessilas, altèrnas, lanceoladas e lineàrias, praticament glabres, sempre ascendentas a quilhadas.
Morfologia florala
Flors solitàrias a l'aissela de fuèlhas superioras, de pichonas talhas (0,5 a 1 cm). De color jauna, an un calici de 3 o 4 sepals e una coròlla de 3 o 4 petals. 3 o 4 etaminas, ovàri supèra de 3 o 4 lòtjas, estil de 3 o 4 estigmats.
Fruch e granas
Lo fruch es una drupa compausada en principi de tres còca remembrant la capsula de las Euforbiacèas. Cada còca conten doas granas. De color roja, los fruchs venon sovent negres quand madurs.
![Thumb](http://upload.wikimedia.org/wikipedia/commons/thumb/8/85/Cneorum_tricoccon2.jpg/640px-Cneorum_tricoccon2.jpg)
Referéncias
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.