Ciutat de Carcassona
ensems arquitectural medieval en Carcassés, Lengadòc / From Wikipedia, the free encyclopedia
La Ciutat de Carcassona es un ensems arquitectural medieval que se tròba en Occitània dins la vila de Carcassona. Es situada sus la riba dreita del riu d'Aude, al sud-èst de la vila actuala. Aquela ciutat medievala fortificada, que sas originas remontan al periòde galloroman, deu sa renomenada a sa dobla encenta de barris, qu'atenh aperaquí 3 km de desvolopament e compòrta cinquanta duas torres, e que domina d'un biais espectaclós la val d'Aude. La ciutat compren tanben un castèl (lo castèl comtal) e una basilica (la basilica de Sant Nazari).
Legissètz un «article de qualitat» |
Ciutat de Carcassona | |
| |
Donadas | |
---|---|
Tipe | Fortalesa, vila fortificada e ciutadèla |
Caracteristicas | |
Superfícia | Patrimòni Mondial de l'Umanitat: 11 ha zòna tampon: 1 358 ha |
Localizacion geografica | |
Estat | França |
Division territoriala francesa | França metropolitana |
Region francesa | Occitània |
Departament | Aude |
Arrondiment francés | Arrondiment de Carcassona |
Canton francés | canton de Carcassona-Èst |
Comuna francesa | Carcassona |
monument istoric catalogat (1862) monument istoric catalogat (1926) monument istoric catalogat (1942) monument istoric catalogat (1942) monument istoric catalogat (1942) Patrimòni Mondial de l'Umanitat (1997) | |
| |
Site web | carcassonne.culture.fr |
Salvada de la destruccion puèi restaurada al sègle XIX d'un biais de còps controversiat, jos la direccion de Eugène Viollet-le-Duc, la ciutat de Carcassona es dempuèi 1997 classada al Patrimòni Mondial de l'UNESCO. Le castèl comtal, las fortificacions, e las torres apertenon a l'Estat e son administradas pels monuments istorics franceses[1], mentre que la rèsta de la ciutat aperten al domeni municipal.