From Wikipedia, the free encyclopedia
Lo champanhòl (var. champanhòu) (nom autoctòn: champaignat) es siá una lenga romanica que fa partida de las lengas d'oïl, siá, segon una autra concepcion, un dialècte de la lenga francesa o (lenga d'oïl). Se parla en França e dins una pichona zona de Belgica (dialècte ardenés de transicion). Es practicament estench dins la totalitat del territòri davant la pression del francés estandard.
Se parla concretament en França, en Champanha (region administrativa de Champanha-Ardena, levat de la zona de Givet que parla valon), dins Aisne (Picardia), Sèina e Marna (Illa de França) e Yonne (Borgonha) e dins cinc vilas de Belgica: Membre, Bohan, Bagimont, Pussemange e Sugny.
A pas cap de nòrma generalament acceptada.
Lo champanhòl es reconegut coma lenga regionala endogèna en Belgica, segon un decret de l'executiu de la Comunautat francesa adoptat en 1990. Benefícia, mai que mai per la preséncia als mèdias de comunicacion, de las accions del Burèu de las Lengas Regionalas Endogènas.
En França, benefícia pas de cap de legislacion al nivèl general e la ratificacion de la Carta Europèa de las Lengas Regionalas o Minoritàrias demòra blocada.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.